اسلام آباد (آئی پی ایس )سپریم کورٹ آف پاکستان نے نیشنل جوڈیشل اینالیٹکس ڈیش بورڈ کا باضابطہ اجرا کردیا،سپریم کورٹ نے اعلامیہ جاری کردیا ۔اعلامیہ کے مطابق نیشنل جوڈیشل اینالیٹکس ڈیش بورڈ نیشنل جوڈیشل پالیسی میکنگ کمیٹی کے طویل المدتی وژن کی تکمیل ہے،ڈیش بورڈ لا اینڈ جسٹس کمیشن آف پاکستان نے نیشنل انفارمیشن ٹیکنالوجی بورڈ کے تعاون سے تیار کیا،منصوبہ سپریم کورٹ، فیڈرل شریعت کورٹ اور تمام ہائی کورٹس کے آئی ٹی ڈائریکٹوریٹس کے اشتراک سے مکمل ہوا،
ڈیش بورڈ کا مقصد شواہد پر مبنی عدالتی پالیسی سازی اور ادارہ جاتی شفافیت کو فروغ دینا ہے، تقریبِ میں چیف جسٹس آف پاکستان، جسٹس محمد علی مظہر اور سپریم کورٹ کے معزز ججز نے شرکت کی،وفاقی آئینی عدالت کے ججز اور ہائی کورٹس کے چیف جسٹسز بھی تقریب میں شریک ہوئے،جسٹس محمد علی مظہر نے ڈیش بورڈ کے ارتقائی سفر اور نمایاں خصوصیات پر روشنی ڈالی،ڈیش بورڈ ریئل ٹائم عدالتی ڈیٹا کو ایک مربوط اینالیٹکس فریم ورک میں یکجا کرتا ہے،
پلیٹ فارم اسٹریٹجک منصوبہ بندی اور ادارہ جاتی احتساب کو مضبوط بناتا ہے،سیکرٹری وزارتِ آئی ٹی نے گورننس میں ٹیکنالوجی کے کردار پر حکومت کے عزم کا اعادہ کیا،چیف جسٹس آف پاکستان نے نیشنل جوڈیشل اینالیٹکس ڈیش بورڈ کا باضابطہ افتتاح کیا۔افتتاح کے موقع پر ڈیش بورڈ کا لائیو ڈیمونسٹریشن بھی پیش کیا گیاڈیش بورڈ شفافیت، پیش گوئی اور عدالتی کارکردگی کی نگرانی کو بہتر بنائے گا۔
