اسلام آباد،وزیر اعظم عمران خان نے کہا ہے کہ لگن سے فرائض اداکرنے والے کانسٹیبل جمیل کلہوڑوکو 23مارچ کو اعزاز دیاجائے گا۔سندھ کے ضلع خیرپور میں ریلوے اسٹیشن پر پولیس اہلکار نے پھرتی کا مظاہرہ کرتے ہوئے8محرم کو ٹرین سے گرنے والے مسافر کی جان بچائی تھی۔خیرپور اسٹیشن پر ایک نوجوان چلتی ٹرین سے گر کر پلیٹ فارم اور پٹڑی کے درمیان پھنس گیا تھا۔جیسے ہی نوجوان ٹرین سے گرا تو پولیس کانسٹیبل جمیل احمد پھرتی کا مظاہرہ کرتے ہوئے اس کی جانب لپکے اور فوری طور پر نوجوان کو ٹرین کے نیچے جانے سے بچایا۔وزیراعظم عمران خان نے سندھ پولیس کے کانسٹیبل کی ویڈیو شیئر کرتے ہوئے ٹویٹ میں کہا تھا کہ یہ وہ مقام ہے جہاں فرض مقدس بن جاتا ہے۔وزیراعظم نے کہا کہ عوام الناس کی خدمت کے حوالے سے اس نوجوان سپاہی کا دکھائی دینے والا عزم قابلِ تحسین ہے۔
یہ وہ مقام ہے جہاں فرض تقدیس سے ہمکنار ہوتا ہے۔ عوام الناس کی خدمت کے حوالے سے اس نوجوان سپاہی کے ہاں دکھائی دینے والا عزم قابلِ تحسین ہے۔pic.twitter.com/B1xozkj06a
— Imran Khan (@ImranKhanPTI) August 19, 2021
We have decided to honour Constable Jamal Kalhoro on Pakistan Day 23rd March for dedication to duty. “If anyone saves a life, it shall be as though he had saved the lives of all mankind.” — Surah Al-Mai’dah [5:32]
— Imran Khan (@ImranKhanPTI) August 20, 2021
