اسپیکر اسد قیصر کاآذربائیجان کی لینگویج یونیورسٹی میں پاکستان کلچرل سنٹر کا افتتاح

باکو،اسپیکر قومی اسمبلی کا دورہ آزربائیجان ،سپیکراسد قیصر نے اپنے باکو کے دورے کے دوران آذربائیجان کی لینگویج یونیورسٹی میں پاکستان کلچرل سنٹر کا افتتاح کردیا۔
اس موقع پر سپیکر قومی اسمبلی نے پاکستان اور آذربائیجان کی مختلف یونیورسٹیوں کے درمیان تعاون کی تجویز دی، انہوں نے یہ بھی خواہش ظاہر کی کہ پاکستانی یونیورسٹیوں میں اسی طرح کے ثقافتی مراکز حکومت آذربائیجان کی طرف سے قائم کیے جائیں۔انہوں نے باکو میں پاکستان کے مشن کے مختلف تعلیمی اداروں اور دو برادر ممالک کے تھنک ٹینکوں کو جوڑنے کے کام کو بھی سراہا ۔انہوں نے پاکستان اور آذربائیجان کے اکیڈمی ، طلبا اور محققین کے درمیان قریبی رابطوں کی ضرورت پر بھی زور دیا تاکہ دوطرفہ تعلقات کو مضبوط بنایا جاسکے۔