راولپنڈی:اے این ایف نے ملک کے مختلف شہروں میں منشیات سمگلنگ کے خلاف جاری کریک ڈاؤن کے دوران 5 کارروائیوں میں 1 خاتون سمیت 3 ملزمان گرفتار کر لیے ۔ اے این ایف ہیڈ کوارٹر راولپنڈی سے جاری گزشتہ چوبیس گھنٹوں کی انسداد منشیات کارروائیوں کی تفصیلات کے مطابق تازہ کارروائیوں میں 20 کروڑ 90 لاکھ روپے سے زائد مالیت کی 287.740 کلوگرام چرس برآمد کی گئی ۔
ہزار گنجی کوئٹہ کے غیر آباد علاقے سے 231 کلو گرام مارفین برآمد کی گئی ۔لسبیلا کے علاقے گوٹھ لکھا اوتھل کے قریب سے 35 کلوگرام افیون، 12 کلو گرام آئس اور 6 کلو گرام ہیروئن برآمد کی گئی ۔ایم ون موٹر وے اسلام آباد کے قریب گاڑی کے خفیہ خانوں میں چھپائی گئی 3 کلو گرام آئس برآمد کی گئی ۔
اقبال شہید ٹول پلازہ اٹک کے قریب دو کارروائیوں میں خاتون سمیت ملزم سے 740 گرام آئس برآمد کی گئی ۔ ترجمان نے بتایاکہ گرفتار ملزمان کے خلاف انسداد منشیات ایکٹ کے تحت مقدمہ درج کر کے تحقیقات کا آغاز کر دیا گیا ہے۔
اے این ایف کا سمگلنگ کے خلاف کریک ڈائون ، 20 کروڑ روپے سے زائد مالیت کی منشیات برآمد
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
