اسلام آباد (سب نیوز)وزارت داخلہ کی جانب سے افغان شہریوں کی پاکستان آمد اور روانگی سے متعلق نیا طریقہ کار نافذ کرنے کا فیصلہ کرلیا گیا ہے۔
ذرائع کے مطابق افغان مہاجرین کے پروف آف رجسٹریشن کارڈ اور افغان سیٹیزن کارڈ طورخم بارڈرپر ایف آئی اے اپنی تحویل میں لے گی ، جبکہ رضاکارانہ طور پر افغانستان واپسی پر وی آر ایف فارم ملے گا اور اس فارم پر افغانستان میں گرانٹ ملے گی۔
ذرائع کا کہنا تھا کہ یو این ایچ سی آر کے بغیر افغانستان واپس جانے والوں کے کارڈ پنچ کرکے ایف آئی اے اپنی تحویل میں رکھے گی، ایف آئی اے کی تحویل میں لیے گئے کارڈ نادرا مستقل بلاک کردے گا۔ذرائع نے بتایا کہ کارڈ ایک بارپنچ ہوگیا یا ایف آئی اے کی تحویل میں آیا تو واپس نہیں کیا جائیگا۔ جبکہ نئے طریقے کا مقصد افغان شہریوں کی مانیٹرنگ کو موثربنانا ہے۔
افغان شہریوں کی پاکستان آمد اور روانگی سے متعلق نیا طریقہ نافذ کرنے کا فیصلہ
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
