کراچی(آئی پی ایس )ایم کیو ایم پاکستان کے سابق اور موجودہ رہنمائوں سے عوام پاکستان پارٹی نے رابطے شروع کردیئے۔ ذرائع کے مطابق ایم کیوایم کیسابق رکن قومی اسمبلی شیخ صلاح الدین ،پی ٹی آئی کیسابق رکن سندھ اسمبلی دیوان سچل بھی عوام پاکستان پارٹی میں شامل ہو گئے جبکہ کراچی کی کئی اہم کاروباری سیاسی شخصیات سے بھی شمولیت کے لیے رابطے جاری ہیں ۔
دوسری جانب ذرائع کا یہ دعوی بھی سامنے آیا ہے کہ ن لیگ،پی ٹی آئی، ایم کیوایم سے نکلے اورناراض افراد عوام پاکستان پارٹی میں شامل ہورہے ہیں، عوام پاکستان پارٹی کی20رکنی آرگنائزنگ کمیٹی تشکیل دے دی گئی۔ شاہد خاقان عباسی چیئرمین، مفتاح اسماعیل سیکرٹری جنرل منتخب ہوگئے ،عوام پاکستان کی مرکزی کمیٹی کا اجلاس 4جولائی کو اسلام آباد میں ہوگا اور 6جولائی کو عوام پاکستان پارٹی کی لانچنگ شہر اقتدادمیں ہوگی ۔
