اسلام آباد(آئی پی ایس ) ترجمان سی ڈی اے نے واضح کیا ہے کہ بغیر میٹر کے بلوں کی ادائیگی نہیں کرینگے ۔تفصیلات کے مطابق آئیسکو کی طرف سے سی ڈی اے کی واجبات کی عدم ادائیگی پربجلی منقطع کرنے کا معاملہ پی اے سی میں زیر غور آیا تھا ۔سی ڈی اے ذرائع کے مطابق اسٹریٹ لائٹس اور دیگر استعمال ہونیوالی بجلی کے میٹرنہ لگنے کی وجہ سے آئیسکو زیادہ بل بھیج رہاہے ۔آئیسکو کی طرف سے ابھی تک مجموعی طور پر 138 میٹرمیں سے 92 میٹر ہی انسٹال کئے گئے ہیں ۔اس حوالے سے ترجمان سی ڈی اے نے واضح کیا ہے کہ سی ڈی اے بغیر میٹر کے بلوں کی ادائیگی نہیں کریگا ۔
