پولیس پر حملے کے کیس میں پرویزالٰہی کی ضمانت منظور

لاہور : انسداد دہشتگردی کی عدالت نے سابق وزیراعلی پنجاب اور پی ٹی آئی صدر چودھری پرویزالٰہی کی ضمانت منظور کرلی۔
لاہور کی انسداد دہشتگردی کی عدالت نے پرویزالٰہی کے گھر چھاپے کے دوران مزاحمت اور پولیس پر حملے سے متعلق تھانہ غالب مارکیٹ میں درج مقدمے میں پی ٹی آئی صدر کی عبوری درخواست ضمانت پر سماعت کی جس سلسلے میں پرویز الہی عدالت میں پیش ہوئے۔
پرویزالٰہی نے موقف اختیار کیا کہ غالب مارکیٹ پولیس نے پولیس پارٹی پرحملہ کرنے کا بے بنیاد الزام لگایا، پولیس پارٹی پرپیٹرول بم پھینکنیکا الزام بھی مقدمے میں لگایا گیا ہے، پولیس نے سیاسی انتقام کا نشانہ بنانیکیلیے جھوٹا مقدمہ درج کیا۔
انسداد دہشتگردی کی عدالت نے اس مقدمے میں پرویزالٰہی کی 50 ہزار روپے کے ضمانتی مچلکوں کے عوض ضمانت منظور کرلی۔
عدالت کے باہر میڈیا سے گفتگو میں پرویز الہی نے حکومت پر تنقید کرتے ہوئے کہا کہ ہم ان کو اور ان کے خاندان کو بھی جانتے ہیں، ان کی عادت ہے جس سے وعدہ کرو کبھی پورا نہ کرو، مقدمات ساتھ ساتھ چلیں گے، ہم پوری طرح فائٹ کر رہے ہیں، ہمیں کوئی گھبراہٹ نہیں ہے۔