وزیر خزانہ اسحاق ڈار نے ریکوڈک منصوبے کی جلد بحالی کے انتظامات مکمل کرنے کیلئے 15 دسمبر 2022 کی ڈیڈ لائن دے دی۔
وفاقی وزیر خزانہ اسحاق ڈار کی سربراہی میں ریکوڈک منصوبے پر اپیکس کمیٹی کا اجلاس ہوا۔اجلاس میں ریکوڈک سے متعلق انتظامات کی تکمیل کے لئے طے شدہ اقدامات پر پیش رفت کا جائزہ لیا گیا۔اجلاس کے شرکا کو بریفنگ میں بتایا گیا کہ ریکوڈک منصوبے کی بحالی سے معیشت کو تقویت ملے گی، اس سے ملک میں روزگار کے مواقع بڑھیں گے۔
بریفنگ کے دوران بتایا گیا کہ سپریم کورٹ کی ایڈوائس کے مطابق ضروری قانون سازی کی جائے گی، اس کے لئے متعلقہ صوبے مکمل طور پر تیار ہیں۔اسحاق ڈار نے کہا کہ تمام متعلقہ ادارے تصفیہ کے بعد منصوبے کی جلد بحالی کیلئے اقدامات کریں، تمام متعلقہ ادارے تصفیہ کے بعد منصوبے کی جلد بحالی کے لئے 15 دسمبر 2022 تک تمام انتظامات مکمل کرلیں۔صوبائی حکومتوں نے بھی متعلقہ ڈیڈ لائن کے اندر اقدامات کی یقین دیانی کرا دی۔
وزیر خزانہ کی ریکوڈک منصوبے کو جلد ازجلد بحال کرنیکی ہدایت
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
