ابرارالحق کاعلی سدپارہ کا اسکول بنانے کا خواب پورا کرنے کا اعلان

لاہور،پاکستان کے معروف گلوکار اور چیئرمین انجمن ہلال احمر پاکستان ابرار الحق نے کے ٹو پر لاپتا ہونے والے پاکستانی کوہ پیما علی سدپارہ کا خواب پورا کرنے کا اعلان کیا ہے۔گلوکار ابرارالحق کی جانب سے کی گئی ٹوئٹ میں انہوں نے کہا کہ ‘میں نے ابھی یہ خبر سنی ہے کہ محمد علی سدپارہ اس مشن کے بعد اپنے گاؤں میں ایک اسکول بنانا چاہتے تھے’۔ابرارلحق نے کہا کہ ‘لہذا ہم نے ان کا خواب پورا کرنے کا فیصلہ کیا ہے اور انشا اللہ ان کی یاد میں ہمارے ہیرو کے گاؤں میں ایک اسکول بنایا جائے گا’۔خیال رہے کہ دنیا کی دوسری بلند چوٹی کے ٹو مہم کی جوئی کے دوران لاپتا ہونے والے فخر پاکستان محمد علی سدپارہ اور دو غیر ملکی کوہ پیماوں کا سراغ تا حال نہ مل سکا۔موسم سرما کے دوران کے ٹو کو سر کرنے کے لیے جانے والے علی سدپارہ اور دیگر 2 غیر ملکی کوہ پیما 5 فروری سے لاپتا ہیں جن کی تلاش کے لیے کئی ریسکیو آپریشن کیے گئے تھے۔