پاکستان کی قازقستان کو یومِ جمہوریہ پر مبارکباد، امن، ترقی اور خوشحالی کے لیے نیک تمناؤں کا اظہار

اسلام آباد، (سب نیوز): پاکستان نے قازقستان کے یومِ جمہوریہ کے موقع پر حکومت اور برادر عوام کو دلی مبارکباد پیش کرتے ہوئے ان کے لیے مسلسل امن، ترقی اور خوشحالی کی نیک خواہشات کا اظہار کیا ہے۔
اس موقع پر جاری کردہ تہنیتی پیغام میں پاکستان نے جمہوریہ قازقستان کی حکومت اور برادر عوام کو مبارکباد دیتے ہوئے دونوں ممالک کے درمیان دوستی اور خیرسگالی کے جذبات کا اعادہ کیا۔
پیغام میں کہا گیا کہ جمہوریہ قازقستان کی حکومت اور برادر عوام کو یومِ جمہوریہ پر دلی مبارکباد پیش کرتے ہیں اور ان کے لیے مسلسل امن، ترقی اور خوشحالی کے خواہاں ہیں۔
پاکستان اور قازقستان کے درمیان دوستانہ تعلقات قائم ہیں اور دونوں ممالک مختلف شعبوں میں دوطرفہ تعاون کو مزید فروغ دینے کے خواہاں ہیں۔