شنگھائی تعاون تنظیم کی مزید ترقی کے وسیع امکانات عالمی توجہ کا مرکز بن گئے، چینی میڈیا

بیجنگ :اس سال شنگھائی تعاون تنظیم کے قیام کی 25ویں سالگرہ منائی جا رہی ہے۔ علاقائی سلامتی تعاون کے طریقہ کار کے طور پر اپنے ابتدائی کردار سے لے کر دنیا کی سب سے بڑی، سب سے زیادہ آبادی والی، اور سب سے زیادہ امید افزا نئی قسم کی علاقائی تعاون تنظیم کے طور پر اپنی موجودہ حیثیت تک، شنگھائی تعاون تنظیم نے ایک طویل سفر طے کیا ہے اور بین الاقوامی تعلقات کا ایک نیا نمونہ قائم کرنے کا اعزاز حاصل کیا۔ موجودہ سمٹ میں رکن ممالک کے رہنماؤں نے شنگھائی تعاون تنظیم کی 25 ویں سالگرہ کے موقع پر بشکیک اعلامیہ پر دستخط کیے اور اسے جاری کیا، ایس سی او کے منشورمیں ترمیم کی گئی اور اس کی تکمیل کے لیے پروٹوکول کی منظوری دی گئی، اور ثمرات کی 28 دستاویزات کو اپنایا گیا۔ ایس سی او فیملی نے ٹھوس اقدامات کے ذریعے پائیدار امن اور مشترکہ ترقی کا ایک نیا باب رقم کرنے پر آمادگی ظاہر کی ہے۔ گزشتہ سال کے تھیانجن سربراہی اجلاس میں آئندہ 10 سالوں کے لیے ایس سی او کی ترقیاتی حکمت عملی وضع کی گئی تھی۔ چینی صدر شی جن پھنگ نے اسی سمٹ میں گلوبل گورننس انیشی ایٹوپیش کیا، جس نے عالمی حکمرانی کو مضبوط اور بہتر بنانے میں چینی دانشمندی فراہم کی اور عالمی حکمرانی میں شنگھائی تعاون تنظیم کی شرکت کی راہ بھی متعین کی۔ ترقی تمام مسائل کے حل کی کلید ہے۔ سلامتی تعاون شنگھائی تعاون تنظیم کی بنیاد ہے جبکہ مختلف تہذیبیں اور متنوع ثقافتیں ایس سی او خاندان کی مخصوص خصوصیات ہیں۔ 25 سال کا غیر معمولی سفر طے کرنے کے بعد، ایس سی او اب اعلیٰ معیار کی ترقی کے حصول کے ہدف کی طرف بڑھ رہی ہے۔ چین ایس سی او خاندان کے ارکان کے ساتھ مل کرشنگھائی روح کو برقرار رکھے گا، چار گلوبل انیشی ایٹوز پر عمل درآمد جاری رکھے گا، اور عالمی طرز حکمرانی کو بہتر بنانے اور بنی نوع انسان کے ہم نصیب معاشرے کی تعمیر کے لیے چینی دانشمندی اور حل فراہم کرتا رہے گا۔