کوئٹہ(آئی پی ایس )گوادر کے نیو انٹرنیشنل ائیرپورٹ پر ساتھ ائیر کی پہلی آزمائشی پرواز کامیابی کے ساتھ لینڈ کرگئی۔گوادر ائیرپورٹ حکام اور متعلقہ اداروں کے نمائندوں نے ساتھ ائیر کی پہلی آزمائشی پرواز کا بھرپور خیرمقدم کیا۔
کامیاب لینڈنگ گوادرکی فضائی رابطہ کاری اور تجارتی سرگرمیوں کے فروغ میں اہم پیشرفت قرار دی جارہی ہے۔ اس آزمائشی پرواز کے بعد گوادر میں ملکی و بین الاقوامی پروازوں کے باقاعدہ آغاز کی راہ ہموار ہوگی۔ دوسری جانب گوادر ائیرپورٹ کا آپریشنل ہونا ملکی معیشت کی بحالی اور ترقی کیلئے ایک اہم محرک ثابت ہوگا۔
