اسلام آباد کے مزید 16 علاقوں میں سمارٹ لاک ڈاؤن

اسلام آباد،کورونا کیسز میں اضافہ ، ضلعی محکمہ صحت نے شہر اقتدار کے مزید 16علاقوں میں سمارٹ لاک ڈائون لگانے کی سفارش کر دی ۔
تفصیلات کے مطابق محکمہ صحت اسلام آباد نے بڑھتے کورونا کیسز پر مزید 16 علاقوں میں سمارٹ لاک ڈائون لگانے کیلئے ضلعی انتظامیہ کو خط لکھ دیا ۔ خط میں کہا گیا کہ گزشتہ چند دن سے متعلقہ علاقوں میں کورونا کیسز میں تیزی سے اضافہ ہو رہا ہے ، کورونا پھیلا ئوکو روکنے کیلئے نقل و حمل روکنے کے سخت اقدامات کئے جائیں ،سیکٹر جی سیون ٹو کی سٹریٹ54،46میں لاک ڈائون لگایا جائے ،آئی ٹین ٹو کی سٹریٹ 9میں شہریوں کی نقل و حرکت روکی جائے ،جی نائن ٹو کی سٹریٹ ایک ،جی نائن ون سٹریٹ 34،52میں سمارٹ لاک ڈان لگایا جائے ۔ خط میں کہا گیا کہ آئی ٹین فور سٹریٹ 112،ای الیون فورسٹریٹ 11میں سمارٹ لاک ڈائون لگایا جائے ، جی نائن تھری کی سٹریٹ 2،8،10،70،77،122،125،126 میں بھی سمارٹ لاک ڈان لگایا جائے ،متعلقہ علاقوں میں ایمرجنسی اقدامات لیے جائیں ، شہری کورونا پھیلا ئوکو روکنے کیلئے ایس او پیز پر عمل درآمد کریں۔