پاکستان کا جدید ریموٹ سینسنگ سیٹلائٹ کل چین سے لانچ کیا جائیگا

اسلام آباد (سب نیوز)پاکستان کا جدید ریموٹ سینسنگ سیٹلائٹ کل چین سے لانچ کیا جائے گا۔چین کے شیچانگ سیٹلائٹ لانچ سینٹر میں تیاریاں مکمل کرلی گئی ہیں،پاکستان کے خلائی ادارے سپارکو کے سائنسدان بھی موجود ہوں گے۔
پاکستان وقت کے مطابق تقریبا 7 سے 8 بجے کے درمیان لانچنگ ہوگی۔یہ مشن پاکستان کے خلائی پروگرام میں ایک اہم پیش رفت ہے۔تقریب میں پروجیکٹ ڈائریکٹر ڈاکٹر محمد یاسر کا ویڈیو میسج بھی نشر کیا جائے گا۔سیٹلائٹ لانچ کو براہ راست سپارکو اسلام آباد میں بھی دکھایا جائیگا۔
سیٹلائٹ کی مدد سے پاکستان میں انفرااسٹرکچر کی ترقی اور شہری پھیلا و کی نگرانی ہوسکے گی۔یہ سیٹلائٹ سیلاب، زمینی کٹاواور زلزلوں کی بروقت انتباہ فراہم کرنے کی صلاحیت رکھتی ہے۔ جغرافیائی خطرات کی نشان دہی کر کے سی پیک جیسی قومی ترقیاتی پہلوں کو سپورٹ کرے گا۔پاکستان کی پہلے ہی 5 سیٹلائٹ خلا میں اپنا کام کررہی ہیں۔