اسلام آباد، سی ڈی اے کی سینئر سپیشل مجسٹریٹ کی عدالت نے ڈپلومیٹک شٹل سروس فراڈ کیس میں13 قیمتی گاڑیاں حوالے کرنے کی درخواستیں مسترد کردی۔تفصیلات کے مطابق سینئر سپیشل مجسٹریٹ سردار آصف نے ڈیفالٹر ٹھیکیدار سے 28 کروڑ برآمد کرنے کا حکم دے دیا ۔سینئر سپیشل مجسٹریٹ کے مطابق ڈپلومیٹک شٹل سروس فراہم کرنے والے کنٹریکٹر کے ذمے 28 کروڑ روپے واجب الادا ہیں،28 کروڑ برآمدگی تک قبضے میں لی گئی 13 گاڑیاں نہیں چھوڑی جاسکتی۔سینئیر سپیشل مجسٹریٹ کے مطابق ڈپلومیٹک شٹل سروس فراڈ پر الگ نیب ریفرنس احتساب عدالت میں زیر سماعت ہے۔
