نیویارک: امریکی صدر ڈونلڈ ٹرمپ نے فرانس کے صدر میکرون کو بیوی سے پڑنے والے تھپڑ کا بھی مذاق اڑا دیا۔
میڈیا رپورٹس کے مطابق ایک سوال کے جواب میں صدر ٹرمپ نے میکرون کو مشورہ دیا کہ ایسے موقعوں پر دروازہ بند رکھا کریں، امریکی صدر کے بیان پر وہاں موجود افراد اپنی ہنسی کنٹرول نہ کر پائے۔
صدر ٹرمپ کا مزید کہنا تھا کہ فرانسیسی صدر اور ان کی اہلیہ دونوں بالکل ٹھیک ہیں۔ وہ دونوں واقعی بہت اچھے لوگ ہیں۔
واضح رہے چند روز قبل ویتنام پہنچنے پر فرانسیسی صدر کے طیارے کا دروازہ کھُلا تو صدر میکرون کے منہ پر پڑتے اہلیہ کے ہاتھ نے کیمروں کی توجہ کھینچ لی تھی۔
اہلیہ سے تھپڑ پڑنے پر انہوں نے فوراً کیمروں کو دیکھ کر ہاتھ ہلایا تھا۔
اس حوالے سے فرانسیسی صدر کا ردعمل بھی سامنے آیا تھا جس میں ان کا کہنا تھا کہ وہ اور ان کی اہلیہ آپس میں مذاق کر رہے تھے۔
