چیئرمین سی ڈی اے اور آئی جی پولیس کی زیر صدارت اجلاس، مختلف مراکز میں غیر قانونی پارکنگ کے خلاف آپریشن کا فیصلہ

اسلام آباد (سب نیوز)چیئرمین سی ڈی اے و چیف کمشنر اسلام آباد اور آئی جی پولیس سمیت ڈپٹی کمشنر اسلام آباد، ضلعی انتظامیہ کے افسران اور ڈائریکٹر ڈی ایم اے کی سی ڈی اے ہیڈکوارٹرز میں اجلاس میں شرکت ،اجلاس میں وفاقی دارالحکومت میں غیر قانونی پارکنگ کے بڑھتے ہوئے مسائل کے حل کے حوالے سے تبادلہ خیال، اجلاس میں ضلعی انتظامیہ کا مختلف مراکز میں غیر قانونی پارکنگ کے خلاف آپریشن کا فیصلہ ۔
اجلاس میں فیصلہ کیا گیا کہ رات کے اوقات میں اسلام آباد کے مختلف کمرشل مراکز میں غیر متعلقہ گاڑی کھڑی کرنے کی اجازت نہ ہوگی، کمرشل مراکز میں رات کے اوقات میں غیر متعلقہ گاڑیوں کی پارکنگ پر پابندی کا فیصلہ ،پارکنگ میں صرف متعلقہ رہائشی ہی گاڑی کھڑی کرسکیں گے، متعلقہ کاروباری طبقے اور خریداروں کو صرف دن کے اوقات میں گاڑی کھڑی کرنے کی اجازت ہوگی، غیر متعلقہ افراد کی پارکنگ میں کھڑی گاڑیوں کو تھانے منتقل کیا جائے گا۔
ضلعی انتظامیہ کے مطابق فیصلہ غیر قانونی پارکنگ کی وجہ سے بڑھتے ہوئے سیکورٹی مسائل کی بنیاد پر کیا گیا،سیکورٹی خطرات کے پیش نظر غیر مجاز گاڑیوں کے خلاف سخت ایکشن لیا جائے گا، یہ فیصلہ متعلقہ رہائشی و کاروبای طبقے کی سہولیات کے پیش نظر کیا گیا ہے۔چیئرمین سی ڈی اے نے کہا کہ ضلعی انتظامیہ شہریوں کی سہولیات کو یقینی بنانے کے ساتھ شہر میں پارکنگ کے مسائل کو حل کرنا اولین ترجیح ہے۔