اسلام آباد (سب نیوز) خاتون اول آصفہ بھٹو زرداری نے بھارت کی جانب سے پاکستان پر کیے گئے غیر قانونی حملے کی شدید الفاظ میں مذمت کی ہے۔
اپنے پیغام میں ان کا کہنا تھا کہ “بھارتی حملہ ہماری خودمختاری کی کھلم کھلا خلاف ورزی ہے اور بلا اشتعال جارحیت ہے۔”
انہوں نے مزید کہا کہ “حملے میں عام شہریوں، معصوم خواتین اور بچوں کو نشانہ بنایا گیا ہے، جو کہ انتہائی افسوسناک اور قابل مذمت ہے۔”
آصفہ بھٹو زرداری نے عالمی برادری سے مطالبہ کیا کہ وہ اس غیر قانونی اقدام کا نوٹس لے۔
