اسلام آباد(سب نیوز)پنجاب انسٹیٹیوٹ آف مینجمنٹ اینڈ پروفیشنل ڈویلپمنٹ، حکومت پنجاب کے زیر تربیت افسران، سینئیر انسٹرکٹرز اور ڈائریکٹنگ اسٹاف نے دارالحکومت کی ترقیاتی منصوبوں سے آگاہی کیلئے سی ڈی اے ہیڈکوارٹرز کا مطالعاتی دورہ کیا۔ اس موقع پر چیئرمین سی ڈی اے و چیف کمشنر اسلام آباد محمد علی رندھاوا، ممبر ایڈمن، ممبر فنانس، ممبر پلاننگ، ڈی جی اربن پلاننگ، اور دیگر سینئیر افسران نے مہمانوں کی سی ڈی اے ہیڈکوارٹرز آمد پر خیر مقدم کیا۔
چیئرمین سی ڈی اے محمد علی رندھاوا نے زیر تربیت افسران اور نمائندوں سے خطاب کرتے ہوئے کہا کہ ملک کی ترقی کیلئے ہم سب کو ایک ٹیم کی حیثیت سے متحد ہو کر کام کرنا ہوگا۔ انہوں نے کہا کہ شہریوں کو بہترین سہولیات فراہم کرنا ہماری اولین ترجیحات میں شامل ہے جس کیلئے جوائنٹ وینچرز، پبلک اور پرائیویٹ پارٹنرشپ پر خصوصی توجہ دینا وقت کی اہم ضرورت ہے۔ انہوں نے سرکاری اداروں کے آمدنی کے ذرائع بڑھانے کیلئے نئے تجاویز پر غور کرنے کی اہمیت پر بھی زور دیا۔ اس موقع پر زیر تربیت افسران کو سی ڈی اے کی جاری جد وجہد، پبلک سروس ڈیلیوری کے نظام اور دارالحکومت میں جاری ترقیاتی منصوبوں سے آگاہ کیا گیا۔ تمام زیر تربیت افسران نے چیئرمین سی ڈی اے کی شہر کی ترقی اور خوشحالی کے لیے کاوشوں کو سراہا۔چیر میں سی ڈے اے نئے تربیتی افسران کے مستقبل کیلئے نیک خواہشات کا اظہار کیا۔
انہوں نے کہا کہ زیر تربیت افسران ملک کا اثاثہ ہیں جنہوں نے کل ملک کی باگ دوڑ سنبھالنی ہے آپ نہ صرف مستقبل کے معمار ہیں بلکہ اپنی پیشہ ورانہ تربیت ، منحت اور لگن کے ساتھ قومی ترقی میں اپنا کلیدی کردار ادا کرسکتے ہیں۔ انسٹرکٹرز اور زیر تربیت افسران نے سی ڈی اے کے تمام منصوبوں ک کو سراہتے ہوئے کہا کہ چیئرمین سی ڈی اے محمد علی رندھاوا اور انکی ٹیم کی جانب سے شہری سہولیات کو بہتر بنانے کیلئے کئے گئے اقدامات قابل تحسین ہیں۔ملاقات کے اختتام پر مہمانوں نے چیئرمین سی ڈی اے اور ان کی ٹیم کا شکریہ ادا کیا بعدازاں گروپ فوٹو لیا گیا جو زیر تربیت ایک اچھی یادگار کے طور پر اپنے پاس رکھیں گے۔
