پاکستانی باکسر شہیر آفریدی نے بھارتی حریف کو شکست دے دی۔
رپورٹ کے مطابق سندھ پولیس کے کمانڈوشہیرآفریدی نے بھارتی باکسرترجوت سنگھ باوا کو مات دی، پاکستانی باکسر نے چوتھے راؤنڈمیں بھارتی باکسرکوناک آؤٹ کردیا۔
شہیرآفریدی نے حریف باکسر پر مکوں کی بارش کی جس کے باعث بھارتی باکسر رِنگ میں ڈھیر ہوگیا۔
شہیرآفریدی مڈل ویٹ کیٹیگری میں50 ویں بہترین باکسرزمیں شامل ہیں۔
وزیراعلیٰ سندھ سید مراد علی شاہ نے شہیر آفریدی کو بھارتی باکسر کو ہرانے پر مبارکباد دی اور ان کے لیے حکومت سندھ کی جانب سے انعامات کا اعلان کیا۔
انہوں نے کہا کہ سندھ پولیس کو شہیر آفریدی پر فخر ہے،شہیر آفریدی نے بھارتی حریف کو ناک آؤٹ کرکے سندھ اور پاکستان کا سر فخر سے بلند کردیا۔
پاکستانی باکسر شہیر آفریدی نے بھارتی حریف کو شکست دیدی
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
