آئی ایم ایف کی علاقائی اقتصادی رپورٹ جاری، پاکستان کی معیشت سے متعلق اہم پیشگوئی

اسلام آباد (سب نیوز)عالمی مالیاتی ادارہ(آئی ایم ایف)نے کہا ہے کہ پاکستان میں معاشی بحالی کی توقع ہے اور سیلاب کے بعد زرعی پیداوار میں بہتری آئی ہے جبکہ 2025 میں پاکستان اور ایم ای این اے ممالک کی مجموعی عوامی مالی ضروریات 263ارب ڈالر ہیں۔آئی ایم ایف نے مشرق وسطی اور وسطی ایشیا سے متعلق علاقائی اقتصادی آٹ لک رپورٹ جاری کردی، جس میں کہا گیا ہے کہ رپورٹ میں 2025 میں غیر جی سی سی آئل ایکسپورٹرز کی گروتھ میں نمایاں کمی کا خدشہ ہے۔
آوٹ لک رپورٹ میں کہا گیا کہ سوڈان، غزہ، لبنان، شام اور یمن میں تنازعات نے معیشت کو شدید نقصان پہنچایا ہے جبکہ پاکستان میں معاشی بحالی کی توقع ہے اور سیلاب کے بعد زرعی پیداوار میں بہتری آئی ہے۔آئی ایم ایف کے مطابق مشرق وسطی کے آئل امپورٹرز میں 2025 میں گروتھ 3.4 فیصد تک پہنچنے کا امکان ہے، سوڈان میں 4 ملین افراد بے گھر، غزہ میں 48,000 شہادتیں، لبنان میں 4,300 اموات ہوئیں۔
رپورٹ مزید بتایا گیا کہ شام میں 60 فیصد معاشی سکڑا، لبنان میں افراط زر بلند سطح پر برقرار ہے، مصر اور اردن میں تنازعات کے اثرات کی وجہ سے گروتھ دبا کا شکار ہے جبکہ پاکستان نے مالی خسارہ کم کرنے کے لیے شرح سود میں 550 بیسس پوائنٹس کا اضافہ کیا۔رپورٹ میں یہ بھی بتایا گیا کہ 2025 میں پاکستان اور ایم ای این اے ممالک کی مجموعی عوامی مالی ضروریات 263ارب ڈالر ہیں۔