کراچی: وزیراعظم شہباز شریف ایک روزہ دورے پر کراچی پہنچ گئے۔
تفصیلات کے مطابق وزیراعظم شہباز شریف پاکستان اسٹاک ایکسچینج کی تقریب میں شریک ہوں گے، وزیر اعلیٰ سندھ سے ملاقات بھی کریں گے: ترجمان وزیراعظم ہاؤس
وزیر اعظم شہباز شریف ایک روزہ دورے پر کراچی پہنچ گئے۔
کراچی کی فیصل ائیر بیس پہنچنے پر گورنر سندھ کامران ٹیسوری اور وزیر اعلیٰ سندھ مراد علی شاہ نے وزیراعظم شہباز شریف کا استقبال کیا۔
ترجمان وزیراعظم ہاؤس کے مطابق وزیراعظم شہباز شریف پاکستان اسٹاک ایکسچینج کی تقریب میں شریک ہوں گے۔
ذرائع کا اس حوالے سے بتانا ہے کہ ایک لاکھ پوائنٹس کا سنگ میل عبور ہونے کی خوشی میں وزیراعظم اسٹاک ایکسچینج کا دورہ کر رہے ہیں۔
اس کے علاوہ وزیراعظم شہباز شریف ساوتھ ایشین پورٹ ٹرمینل کا بھی دورہ کریں گے، وزیراعظم شہباز شریف کو بندرگاہ پر فیس لیس اسسمنٹ سسٹم پر بریفنگ دی جائے گی۔
ترجمان وزیراعظم ہاؤس کا بتانا ہے کہ شہباز شریف ایف بی آر کی کسٹمز کلیئرنس کے خودکار نظام فیس لیس کسٹمز اسسمنٹ سسٹم کا افتتاح کریں گے، اس نظام کا مقصد کسٹمز کلیئرنس میں شفافیت اور کلیئرنس کے دورانیے میں کمی لانا ہے۔
ترجمان وزیراعظم ہاؤس کا کہنا ہے کہ وزیراعظم نے اپنے گزشتہ دورہ کراچی میں اس خودکار نظام کی تنصیب کی ہدایات دی تھیں۔
وزیراعظم شہباز شریف وزیراعلیٰ سندھ مراد علی شاہ سے بھی ملاقات کریں گے، وزیر اعظم شہباز شریف کے ہمراہ وزیر خزانہ محمد اورنگزیب و دیگر وزراء بھی ہوں گے۔
