سینیٹر روبینہ خالد کا مستحق خواتین کے لیے نئے سال کا تحفہ ،،، کفالت کی رقم میں اضافہ ، تفصیلات سب نیوز پر  ۔

اسلام آباد (آئی پی ایس )چیئرپرسن بینظیرانکم سپورٹ پروگرام سینیٹر روبینہ خالد نے سال نو پر کیا مستحق خواتین کیلئے بڑا اعلان، جنوری 2025 سے بینظیر کفالت سہہ ماہی قسط کی رقم کو 10500 سے بڑھا کر 13500 روپے کردی گئی ، سینیٹر روبینہ خالد نے کہا ہے کہ یہ سال ہم بینظیر ہنر مند پروگرام کیلئے وقف کررہے ہیں، بینظیر ہنر مند پروگرام کے ذریعے مستحق افراد خود اپنا روزگار کما کر اپنے پاں پر کھڑے ہوسکیں گے،رواں سال بھی ایمانداری کیساتھ پسماندہ طبقات کی خدمت کا کام جاری رکھیں گے، بی آئی ایس پی کی جانب سے پاکستان کے تمام لوگوں کو سال نو 2025 کی مبارکباد دیتے ہیں۔چیئرپرسن روبینہ خالد نے سیکرٹری عامر علی احمد، ایڈیشنل سیکرٹری ڈاکٹر طاہر نور اور سٹاف کے ہمراہ نئے سا ل کا کیک بھی کاٹا۔