آکسفورڈ یونیورسٹی کے نئے چانسلر کا انتخاب ہوگیا

لندن(آئی پی ایس ) آکسفورڈ یونیورسٹی کے نئے چانسلر کا انتخاب ہوگیا۔
لارڈ ہیگ آف رچمنڈ آکسفورڈ یونیورسٹی کے نئے چانسلر منتخب ہوگئے ہیں۔لارڈ ولیم ہیگ آئندہ برس کے آغاز میں 10برس کیلئے چانسلرکا عہدہ سنبھالیں گے۔لارڈولیم آکسفورڈ یونیورسٹی کی 800سالہ تاریخ میں160ویں چانسلر منتخب ہوئے ہیں، لارڈ ولیم ہیگ کنزرویٹو پارٹی کے لیڈر کے عہدے پر بھی فائزرہ چکے ہیں۔
خیال رہے کہ بانی پاکستان تحریک انصاف عمران خان نے بھی آکسفورڈ یونیورسٹی کی چانسلر شپ کے لیے کاغذات جمع کروائے تھے۔تاہم یونیورسٹی کی جانب سے جاری ہونے والی حتمی فہرست میں عمران خان کا نام شامل نہیں تھا۔