کراچی(آئی پی ایس ) پاک فضائیہ کے سربراہ ائیرچیف مارشل ظہیر احمد بابر سدھو نے بین الاقوامی دفاعی نمائش آئیڈیاز کا دورہ کیا۔
آئی ایس پی آر کے مطابق ائیرچیف نے نیشنل ایرو اسپیس سائنس اینڈ ٹیکنالوجی پارک پویلین میں مختلف اسٹالز کا دورہ کیا جہاں انہوں نے غیر ملکی مندوبین سے بھی بات چیت کی جب کہ ائیر چیف نے دفاعی صنعت کیفریم ورک کے قیام کی حوصلہ افزائی بھی کی۔ائیرچیف مارشل ظہیر احمد نے نیشنل انکیوبیشن سینٹرفار ایرو اسپیس ٹیکنالوجی کیذریعے ابھرتے ٹیلنٹ کوپروان چڑھانیکی اہمیت پر روشنی ڈالی، اس دوران انہوں نے مقامی صنعتوں کی صلاحیتوں کو بڑھانے کے مواقع تلاش کرنے کی اہمیت کو اجاگر کیا۔
آئی ایس پی آر کے مطابق دفاعی صنعت فریم ورک کا مقصدایرو اسپیس سیکٹر میں موجود خلاکی نشاندہی اور اسے پر کرنا ہے۔ائیرچیف نے ٹیکنالوجیکل روڈمیپ کو ہم آہنگ کرنیکے لیے قومی اوربین الاقوامی تعاون کو فروغ دینے پر زور دیتے ہوئے کہا کہ اس بات کویقینی بنایاجائیکہ پاکستان ایرو اسپیس انوویشن میں سب سے آگے رہے۔ آئی ایس پی آر کے مطابق آئیڈیاز میں پاک فضائیہ کی جدید ترین ٹیکنالوجیز کی شرکت کامیابیوں کے عزم کو واضح کرتی ہے، یہ ایونٹ دفاعی اور ایرو اسپیس ٹیکنالوجی میں تازہ ترین پیشرفت کو ظاہر کرتا ہے۔
پاک فضائیہ کے سربراہ ائیرچیف مارشل ظہیر احمد بابر کا دفاعی نمائش آئیڈیاز کا دورہ
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
