اسلام آباد(سب نیوز)اسلام آباد میں فلسطین کے حق میں ٹی ایل پی کے مظاہرے کے پیش نظر سیکیورٹی کے سخت انتظامات کیے گئے ہیں۔ مظاہرے کی وجہ سے اسلام آباد اور راولپنڈی کے سنگم میں چلنے والی میٹرو بس سروس بھی معطل کردی گئی ہے۔
میٹرو بس انتظامیہ کی جانب سے بتایا گیا ہے کہ اسلام اباد سے راولپنڈی کی طرف جانے والی میٹرو بس سروس کو بند کر دیا گیا ہے۔ اسلام اباد سے راولپنڈی کی طرف جانے والی میٹرو بس کو پاک سیکرٹریٹ سے کشمیر ہائی وے تک بند کر دیا گیا ہے۔
