ہومپاکستانبیرسٹرگوہرکا پیپلزپارٹی سے قومی اسمبلی، سندھ اور خیبرپختونخوامیں پی ٹی آئی کی سیٹیں واپس کرنے کا مطالبہ

بیرسٹرگوہرکا پیپلزپارٹی سے قومی اسمبلی، سندھ اور خیبرپختونخوامیں پی ٹی آئی کی سیٹیں واپس کرنے کا مطالبہ

اسلام آباد (سب نیوز)چیئرمین پی ٹی آئی بیرسٹر گوہر نے پیپلزپارٹی سے قومی اسمبلی، سندھ اور خیبرپختونخوا اسمبلی میں تحریک انصاف کی سیٹیں واپس کرنے کا مطالبہ کردیا۔
میڈیا سے گفتگو کرتے ہوئے بیرسٹرگوہر نے کہا کہ سب سے کہتے ہیں آئیں عدلیہ اور الیکشن کمیشن کو آزاد کریں، ہمیشہ کے لیے ووٹ کا تقدس پامال ہونے سے بچائیں، بہترین سسٹم ہوگا تو عوام کو خوشحالی ملے گی، معیشت مضبوط اور سیاسی استحکام آئیگا، اگر ذاتی مفادات ہوں گے تو ملک میں سیاسی استحکام ہوگا نہ عوام کو خوشحالی ملے گی۔
بیرسٹرگوہر نے کہا کہ عمران خان کیخلاف مقدمات بے بنیاد اورسیاسی بنیادوں پر قائم کیے گئے ہیں، ہمارے سیاسی مخالفین بھی تسلیم کر رہے ہیں کہ عمران خان ایک سیاسی قیدی ہیں، ان مقدمات میں رات کی تاریکی میں بند دروازوں کے پیچھے سزائیں سنائی گئیں، عدالت سے درخواست ہے دن کی روشنی میں کھلی عدالت میں ہمارا موقف سنا جائے۔
نئے صوبوں پر چیئرمین پی ٹی آئی نے کہا یہ معاملہ ابھی پری میچور ہے، خد وخال سامنے نہیں آئے، کتنے صوبے،کس حال میں اور کہاں کہاں بنیں گے، یہ سنجیدہ مسئلہ ہے، اس میں سیاست کے بجائے عوامی احساسات کو دیکھنا چاہیے، اس پر مشاورت سے رائے تب دیں گے جب کوئی ڈرافٹ آئیگا، بانی پی ٹی آئی سے ملاقات کے بعد اپنا لائحہ عمل دیں گے۔
بیرسٹر گوہر نے بانی پی ٹی آئی اور بشری بی بی کی صحت پر تشویش کا اظہار کیا اور کہا کہ بانی پی ٹی آئی کے چیف جسٹس کے خط کو 72 گھنٹے سے زائد ہوچکے، مزید تاخیرنہ کی جائے ، بانی پی ٹی آئی کے خط کو بطور درخواست سماعت کرکے انہیں ریلیف فراہم کیا جائے ۔

روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔