اسلام آباد(سب نیوز)وزارتِ انفارمیشن ٹیکنالوجی نے موٹر سائیکل، رکشہ، چنگچی اور چھوٹی گاڑیوں کے لیے فی لیٹر پٹرول پر 100 روپے ریلیف حاصل کرنے کا طریقہ کار جاری کردیا۔
وزارتِ آئی ٹی کے مطابق ریلیف حاصل کرنے کے لیے شہریوں کو پہلے رجسٹریشن کرانا ہوگی، رجسٹریشن کے لیے آر ای جی لکھ کر شناختی کارڈ نمبر 9771 پر ایس ایم ایس کرنا ہوگا، جس کے ساتھ گاڑی کا نمبر، صوبائی کوڈ اور رجسٹریشن کی تاریخ بھی درج کرنا ہوگی۔وزارتِ آئی ٹی کے مطابق رعایتی پیٹرول کے لیے فیول ٹوکن حاصل کرنا ضروری ہوگا۔ اس مقصد کے لیے(ٹی او کے) لکھ کر 9771 پر ایس ایم ایس کرنا ہوگا۔ موصول ہونے والا فیول ٹوکن دکھا کر رعایتی قیمت پر پیٹرول حاصل کیا جاسکے گا۔
وزارت کے مطابق اسلام آباد میں پیٹرول ریلیف کا آغاز پیر اور منگل کی درمیانی شب سے ہوگا، جبکہ ملک کے دیگر علاقوں میں بدھ اور جمعرات کی درمیانی شب سے ریلیف فراہم کیا جائے گا۔مستحق شہریوں کو فی لیٹر پیٹرول پر 100 روپے کی رعایت دی جائے گی، موٹر سائیکل اور چنگچی کے لیے ماہانہ 20 لیٹر جبکہ 800 سی سی تک کی گاڑیوں کے لیے ماہانہ 30 لیٹر رعایتی پیٹرول کی حد مقرر کی گئی ہے۔
پیٹرول پر 100روپے فی لیٹر ریلیف کیسے حاصل کریں؟ ،حکومت نے طریقہ کار جاری کردیا
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
