مظفرآباد(آئی پی ایس ) آزاد جموں و کشمیر کابینہ میں شامل اراکین کو محکموں کے قلمدان تفویض کر دیے گئے، محکمہ سروسز اینڈ جنرل ایڈمنسٹریشن نے باقاعدہ نوٹیفکیشن جاری کر دیا۔سردار میر اکبر کو وزیر فزیکل پلاننگ اینڈ ہاسنگ و باغ ڈویلپمنٹ اتھارٹی کا قلمدان تفویض کیا گیا ہے۔
وقار نور کو وزیر جنگلات و وائلڈ لائف فشریز، ڈاکٹر مصطفی بشیر عباسی کو وزیر صحت عامہ مقرر کیا گیا ہے۔اظہر صادق کو وزیر ہائیر ایجوکیشن، ثاقب مجید راجہ کو وزیر توانائی و آبی وسائل، محمد ریاست خان کو وزیر مال و بحالیات کا قلمدان سونپا گیا ہے۔ عمیر نعیم کو وزیر ایلیمنٹری و سیکنڈری ایجوکیشن جبکہ عبدالرحمان کو وزیر سیاحت، صنعت و معدنی وسائل مقرر کیا گیا ہے۔
