واشنگٹن (آئی پی ایس )دو امریکی حکام نے دعوی کیا ہے کہ ایران نے معاہدے کے مسودے میں اپنے انتہائی افزودہ یورینیم کے ذخیرے کو ترک کرنے کی اہم شق کو تسلیم کرلیا ہے۔
میڈیا رپورٹس کے مطابق امریکی حکام نے کہا کہ تاہم اس تجویز سے یہ مسئلہ طے نہیں ہوتا کہ ایران اپنے ذخیرے کو کس طرح ترک کرے گا۔ یہی وجہ ہے کہ ایران کے جوہری پروگرام پر مذاکرات کے آنے والے دور میں کچھ تفصیلات کو روک دیا گیا ہے۔تاہم عہدیداروں کا کہنا ہے کہ ایران ایسا کرنے کا عہد کرے گا اور یہ امریکا کا ایک دیرینہ ہدف ہے اور اس معاہدے کے لیے اہم ہے۔دوسری جانب ایران نے ٹرمپ کے اعلان کردہ معاہدے کی شرائط پر توثیق یا تردید کے حوالے سے فی الحال کوئی بیان نہیں دیا ہے۔
