اسلام آباد(آئی پی ایس) سابق چیف جسٹس آزاد کشمیر ہائی کورٹ جسٹس (ر) غلام مصطفیٰ مغل کو چیف الیکشن کمشنر آزاد کشمیر تعینات کردیا گیا۔
وزیراعظم پاکستان وچیئرمین کشمیر کونسل شہبازشریف نے تعیناتی کی منظوری دے دی، اعلامیے کے مطابق جسٹس غلام مصطفیٰ کی چیف الیکشن کمشنرتعیناتی کی مدت 5 سال ہوگی۔ رواں سال جولائی میں آزادکشمیر اسمبلی کے انتخابات ہوں گے۔
آزادکشمیر کے وزیر اعظم اور اپوزیشن لیڈر کی مشاورت سے وزیر اعظم پاکستان کو چیف،الیکشن کمشنر کیلئے 3 ناموں پرمشتمل پینل بھیجا تھا۔
دوسری جانب آزاد کشمیر میں پیپلزپارٹی کی حکومت کےخلاف اپوزیشن جماعتیں متحد ہونے لگی۔ اپوزیشن رہنماؤں نے پیپلز پارٹی کی حکومت کے خلاف، تحریک عدم اعتماد لانے کا عندیہ دے دیا۔
