ڈھاکہ(سب نیوز ) آئی سی سی نے ٹی ٹوئنٹی ورلڈکپ کے حوالے سے بنگلادیش کے تحفظات مستردکرتے ہوئیکہا ہیکہ ورلڈ کپ شیڈول کے مطابق ہوگا۔آئی سی سی کی جانب سے جاری اعلامییکے مطابق بنگلا دیش کے میچز بھارت میں ہی کھیلے جائیں گے۔آئی سی سی کا کہنا ہیکہ بورڈ میٹنگ میں فیصلہ سکیورٹی کے جائزے کے بعد کیا گیا، جائزے کے مطابق بنگلادیش کیکھلاڑیوں،میڈیا پرسنز ، آفیشلز اور فینز کو بھارت کیکسی وینیو پر خطرہ نہیں ہے۔
اعلامیے میں کہا گیا ہیکہ بورڈ ممبرز کے مطابق یہ قابل عمل نہیں ہیکہ ٹورنامنٹ کے قریب شیڈول تبدیل کیا جائے۔آئی سی سی کا کہنا ہے کہ بی سی بی سے ایونٹ کے سکیورٹی پلان کو شیئرکیا جاتا رہا ہے۔دوسری جانب کرکٹ ویب سائٹ نے دعوی کیا ہیکہ بنگلا دیش کرکٹ ٹیم کے ورلڈکپ کے لیے بھارت نہ جانے کی صورت میں آئی سی سی نے بنگلا دیش کی جگہ ایک اور ٹیم کو شامل کرنے کا فیصلہ کر لیا ہے۔
ویب سائٹ کا دعوی ہے کہ آئی سی سی کی جانب سے بنگلادیش کرکٹ بورڈ کو کہا گیا ہے کہ حکومت کو بتادیں اگر ٹیم بھارت نہیں بھیجیں گے تو بنگلادیش کی جگہ نئی ٹیم شامل کی جائے گی۔خیال رہے کہ بنگلادیش نے سکیورٹی خدشات کے تحت بھارت میں ہونے والے اپنے میچز سری لنکا منتقل کرنیکا مطالبہ کیا تھا۔
یاد رہے کہ یہ تنازع اس وقت شروع ہوا جب آئی پی ایل کی ٹیم کلکتہ نائٹ رائیڈرز نے بنگلادیش کے فاسٹ بولر مستفیض الرحمان کو بھارتی ہندو انتہا پسندوں کی دھمکیوں کے بعد لیگ سے باہر کر دیا تھا جس کے بعد دونوں کرکٹ بورڈز کے درمیان تعلقات کشیدہ ہوگئے اور بنگلادیش کرکٹ بورڈ نے ہنگامی اجلاس بلاتے ہوئے اپنی ٹیم بھارت نہ بھیجنے کا اعلان کیا تھا۔
