چوہدری طارق سبحانی کی یارانِ جدہ گروپ آمد، پرتپاک استقبال

جدہ (خالد نواز چیمہ)
چئیرمین لینڈ ریکارڈ اتھارٹی و بورڈ آف ریونیو پنجاب اور رکن صوبائی اسمبلی چوہدری طارق سبحانی کی یارانِ جدہ گروپ آمد پر آفس کا خصوصی دورہ کیا گیا۔ اس موقع پر چئیرمین یارانِ جدہ، سابق مشیر و چئیرمین انویسٹرز فورم چوہدری اظہر عباس وڑائچ نے معزز مہمان کا پرتپاک استقبال کیا اور عمرہ کی سعادت حاصل کرنے پر دل کی گہرائیوں سے مبارکباد پیش کی۔
چوہدری اظہر عباس وڑائچ نے اس موقع پر اظہارِ خیال کرتے ہوئے کہا کہ
“چوہدری طارق سبحانی صاحب کی یارانِ جدہ گروپ آمد ہمارے لیے باعثِ اعزاز ہے۔ ان کی عوامی خدمت، شفاف حکمرانی اور ادارہ جاتی اصلاحات کے لیے کی جانے والی کاوشیں قابلِ تحسین ہیں۔ اللہ تعالیٰ ان کا عمرہ قبول فرمائے اور انہیں عوامی خدمت کی مزید توفیق عطا فرمائے۔”
اس موقع پر گفتگو کرتے ہوئے چوہدری طارق سبحانی نے کہا:
“یارانِ جدہ گروپ، کے سربراہ سابقہ مشیر وزیر اعلیٰ پنجاب چوہدری اظہر عباس وڑائچ صاحب اور چوہدری غلام مصطفیٰ گجر (نائب صدر انویسٹرز فورم) کی جانب سے پرتپاک استقبال اور محبت بھری میزبانی پر تہہ دل سے شکر گزار ہوں۔ اوورسیز پاکستانی ملک کا قیمتی اثاثہ ہیں، اور یارانِ جدہ جیسے پلیٹ فارم کمیونٹی کو جوڑنے، باہمی ہم آہنگی کے فروغ اور قومی مفادات کے تحفظ میں اہم کردار ادا کر رہے ہیں۔”
دورے کے دوران اوورسیز پاکستانیوں کے مسائل، کمیونٹی کی فلاح و بہبود، سرمایہ کاری کے فروغ اور پاکستان کے مثبت تشخص کو اجاگر کرنے پر بھی تبادلۂ خیال کیا گیا۔ شرکاء نے اس بات پر زور دیا کہ بیرونِ ملک مقیم پاکستانی وطنِ عزیز کی ترقی میں ریڑھ کی ہڈی کی حیثیت رکھتے ہیں اور ان کے لیے ایسے فورمز کی مضبوطی ناگزیر ہے۔