ریاض (سب نیوز)سعودی کابینہ نے پاکستان کے ساتھ توانائی کے شعبے میں تعاون کی مفاہمتی یادداشت کے مسودے کی منظوری دیدی۔
عرب میڈیا کے مطابق سعودی کابینہ نے منگل کو ہونے والے اجلاس میں پاکستان کے ساتھ توانائی کے شعبے میں تعاون کے لیے مفاہمتی یادداشت کے مسودے کی منظوری دی۔خادم حرمین شریفین شاہ سلمان بن عبدالعزیز کی زیر صدارت ہونے والے اجلاس میں دیگر ملکوں کے ساتھ بھی باہمی تعاون کی مفاہمتی یادداشتوں پر دستخط کیے گئے۔
سعودی میڈیا کے مطابق کابینہ نے مختلف ترقیاتی منصوبوں کاجائزہ لیا جو سعودی وژن 2030کے اہداف میں شامل ہیں۔ ان ترقیاتی منصوبوں کا مقصد سعودی شہریوں کا معیار زندگی بہتر کرنا ہے۔
سعودی کابینہ کی پاکستان کیساتھ توانائی کے شعبے میں تعاون کی مفاہتی یادداشت کے مسودے کی منظوری
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
