اسلام آباد (سب نیوز) سابق چیف ایگزیکٹو افسر پی آئی اے مشرف رسول کا وقاص احمد، سہیل علیم کے ساتھ لین دین کا تنازعہ، اسلام آباد ہائیکورٹ نے وقاص احمد اور سہیل علیم کیخلاف اسلام آباد میں درج مقدمات خارج کرنے کی درخواست پر بڑا حکم جاری کر دیا ۔
عدالت نے اب تک کی پولیس تفتیش پر عدم اطمینان کا اظہار کیا۔
اسلام آباد ہائیکورٹ نے تحقیقات کے لیے ڈی جی ایف آئی اے کو مشترکہ تحقیقاتی ٹیم تشکیل دینے کا حکم دے دیا۔
اسلام آباد ہائیکورٹ کے حکم کے مطابق جے آئی ٹی تمام مقدمات کی آزادانہ طور پر تحقیقات کرے،
عدالت نے خاتون اور کم سن بچوں کے اغوا اور اس سے متعلق جرائم میں تفتیشی افسر اور پولیس اہلکاروں کے کردار کا جائزہ لینے کی بھی ہدایت کی۔
عدالت نے ڈی جی ایف آئی اے اور سیکریٹری داخلہ کو ڈائریکٹر کرائمز کے مساوی عہدے کا افسر تعینات کرنے کا حکم بھی دیا۔
عدالت نے متعلقہ افسر سے آئندہ سماعت پر مقدمات کے تمام پہلوؤں سے متعلق رپورٹ طلب کر لی ۔
اسلام آباد ہائیکورٹ کے حکم کے مطابق وفاقی سیکریٹری داخلہ لاہور سے خاتون اور اسکے تین کمسن بچوں کے اغواء کے مقدمے کو ایک مثالی کیس بنائیں،
تحریری حکمنامے مطابق ایک خاتون اور اس کی تین کم سن بیٹیوں کو صوبائی دارالحکومت لاہور سے اغوا کیا گیا،
لاہور پولیس کو اس واقعے کی کوئی اطلاع دی گئی نہ ہی یہ معاملہ ان کو رپورٹ کیا گیا۔
عدالتی حکم کے مطابق وفاقی سیکریٹری داخلہ آئی جی پنجاب و سیکریٹری داخلہ پنجاب اور حکومتِ پنجاب کو مناسب ہدایات جاری کریں،
پنجاب حکومت اپنے طور پر ایک انکوائری کا آغاز کرے،
حکمنامے کے مطابق 17 ستمبر 2025 کی سی سی ٹی وی فوٹیج کو مدنظر رکھتے ہوئے انکوائری کریں ،
جس سی سی ٹی وی میں خاتون ثنا اور اس کے تین کم سن بچوں کو لاہور میں اغوا کرتے ہوئے دیکھا گیا۔
اسلام آباد ہائیکورٹ نے 20 نومبر تک رپورٹ طلب کرلی
اسلام آباد ہائیکورٹ کے جسٹس محسن اختر کیانی نے تحریری حکمنامہ جاری کردیا۔
سہیل علیم کی اہلیہ اور تین بچیوں کی لاہور سے خلاف ضابطہ گرفتاری کی گئی تھی۔
