اسلام آباد (سب نیوز )صدر مملکت نے ترک چیف آف جنرل اسٹاف کو نشان امتیاز ملٹری سے نواز دیا ۔ جنرل میٹن گوراک کو نشان امتیاز ملٹری دینے کی تقریب ایوان صدر میں منعقد ہوئی۔تقریب کا باقاعدہ آغاز تلاوت کلام پاک سے کیا گیا، صدر مملکت آصف علی زرداری نے ترک فوج کے سربراہ کو نشان امتیاز ملٹری عطا کیا۔تقریب میں چیئرمین جوائنٹ چیفس آف سٹاف کمیٹی جنرل ساحر شمشاد مرزا و دیگر اعلی فوجی افسران ،سیاسی رہنماں کے علاوہ پاکستان میں تعینات غیر ملکی سفیروں نے شرکت کی ۔۔
صدرزرداری سے ترکیہ کے چیف آف جنرل اسٹاف سے ملاقات میں پاکستان اورترکیہ کیدرمیان ریلویروابط بڑھانیکی ضرورت پر زور دیا۔ صدر مملکت نے کہا کہ روڈاورریلوے روابط سیعوامی روابط میں اضافہ ہوگا، زمینی ٹرانسپورٹ سیدونوں ممالک کے درمیان روابط مزید بڑھیں گے۔صدر مملکت نے ادب اورشاعری کے شعبوں میں دوطرفہ ثقافتی تبادلے بڑھانے کی ضرورت پر بھی زور دیا۔ کہا کہ ثقافتی تبادلوں میں اضافے سے دونوں برادر ممالک مزید قریب آئیں گے۔
دوسری جانب وزیرِ اعظم محمد شہباز شریف نے ترک سرمایہ کاروں کے وفد سے ملاقات کی ، ملاقات میں وزیر اعظم نے کہا پاکستان اور ترکیہ کے عوام کے مابین دیرینہ برادرانہ تعلقات ہیں جو صدیوں پر محیط ہیں، ترک وفد نے پاکستان میں سرمایہ کاری میں گہری دلچسپی کا اظہار کیا۔وزیر اعظم شہباز شریف نے ترک وفد سے گفتگو کرتے ہوئے کہا پاکستان ترکیہ کے ساتھ اقتصادی تعلقات کے فروغ اور تجارتی شراکت داری کی مزید مضبوطی کا خواہاں ہے۔
شہباز شریف کا کہنا تھا کہ پاکستان میں بیرونی سرمایہ کاری کی موجود استعداد سے بھرپور فائدہ اٹھانے کیلئے نظام میں اصلاحات کی گئی ہیں۔ ملاقات میں وفاقی وزرا محمد اسحاق ڈار، خواجہ محمد آصف، احد خان چیمہ، وزیرِ اعظم کے کوارڈینیٹر رانا احسان افضل، ترکیہ کے پاکستان میں سفیر اور متعلقہ اعلی حکام نے شرکت کی، وفد نے پاکستان کی جانب سے پرتپاک استقبال اور میزبانی پر وزیرِ اعظم کا شکریہ ادا کیا۔
