کراچی:پاکستان تحریک انصاف کے تیس منتخب بلدیاتی نمائندوں نیبڑا فیصلہ کرتے ہوئے میئرکراچی کے انتخابی عمل کا حصہ نہ بننے کا اعلان کردیا۔ پی ٹی آئی کے منتخب بلدیاتی نمائندوں کا کہنا ہے کہ ہم پی ٹی آئی کراچی ڈویژن کے عہدیداران سے ناراض ہیں ، کراچی کی مقامی قیادت نے مشاورت کئے بغیر فیصلے کئے۔
انہوںنے کہا کہ تحریک انصاف کی مقامی قیادت کے کسی فیصلے کو نہیں مانتے، جماعت اسلامی نے پی ٹی آئی کے مخصوص نشستوں پر اپنے لوگوں کو منتخب کروایا،کراچی کے زمینی حقائق ہم جانتے ہیں، میئر کراچی کے انتخابی عمل کا حصہ نہیں بنیں گے۔ تحریک انصاف کے یوسی چیئرمینز نے کہا جماعت اسلامی نے موجودہ حالات سے فائدہ اٹھایا ہے، ہم کسی قسم کے دبائو میں ہیں نہ ہی کسی کے دباو میں آئیں گے، ہم منتخب نمائندے ہیں آزادانہ فیصلے کرنے کا حق رکھتے ہیں ۔ پی ٹی آئی کے نومنتخب یوسی چیئرمینز نے اپیل کی ہے کہ چیئرمین تحریک انصاف ہم سے بذریعہ زوم میٹنگ کریں۔
