ریاض،سعودی وزارت دفاع سے وابستہ تین فوجی اہلکاروں کو غداری کا الزام ثابت ہونے پر سزائے موت دے دی گئی ہے۔۔ سعودی وزارت دفاع کی جانب سے جاری بیان میں کہا گیا کہ تینوں فوجی اہلکاروں کے خلاف ملک سے غداری کرنے کے الزامات ثابت ہوئے تھے، محمد بن احمد، ساحر بن عیسی، حمود بن ابراہیم کو سزائے موت دے دی گئی ہے۔ بیان کے مطابق تینوں فوجی اہلکاروں نے ملکی سلامتی کو خطرے میں ڈالا۔سعودی پریس ایجنسی کے مطابق وزارت دفاع نے اعلامیہ جاری کرتے ہوئے کہا ہے کہ ملک کے ساتھ غداری کا الزام ثابت ہونے پر مذکورہ افراد کو ان کی عسکری حیثیت کی بنا پر اور شرعی و قانونی تقاضے کی بنیاد پر سزائے موت دے دی گئی ہے۔
سعودی عرب ‘غداری کے جرم میں 3فوجی اہلکاروں کو سزائے موت
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
