لاہور(نیوزڈیسک)چیئرمین پی ٹی آئی عمران خان کی پاکپتن میں حضرت بابا فرید الدین گنج شکر کے مزار پر حاضری کے موقع پر لوگوں نے چور چور کے نعرے لگا دیے۔
گزشتہ روز عمران خان درگاہ بابا فرید الدین گنج شکر پہنچے تو ایک طرف وہاں موجود لوگوں نے ان کے ساتھ سیلفیاں بنائیں تو وہیں کچھ لوگوں نے عمران خان کو دیکھ کر چور چور کے نعرے لگا دیے۔
واقعے کی ویڈیو سوشل میڈیا پر وائرل ہوگئی جسے لیگی رہنماؤں کی جانب سے شیئر کیا گیا اور عمران خان پر تنقید بھی کی گئی۔
عمران خان نے بہشتی دروازے کے سامنے مزار پر حاضری دینے کے بعد دعا مانگی تھی اور ماتھا ٹیکا جب کہ پی ٹی آئی رہنما عظمت محمد چشتی نے عمران خان کی دستار بندی کی۔
گو نیازی گو کی صدا سنائی دے رہی ہے؟؟؟ pic.twitter.com/FGvRmZ3x7o
— Hina Parvez Butt (@hinaparvezbutt) August 3, 2022
