اسلام آباد: پی ٹی آئی کے منحرف رکن قومی اسمبلی نور عالم خان پبلک اکانٹس کمیٹی کے چیئر مین منتخب ہوگئے۔
پبلک اکانٹس کمیٹی کے نئے چئیرمین کے انتخاب کے لئے ایڈیشنل سیکرٹری قومی اسمبلی کی زیر صدارت پبلک اکانٹس کمیٹی کا اجلاس ہوا، جس میں تحریک انصاف کے ناراض رہنما نور عالم خان پبلک اکانٹس کمیٹی کے چئیرمین منتخب ہوگئے۔ وزیر دفاع خواجہ آصف نے نور عالم خان کا نام بطور پبلک اکانٹس کمیٹی تجویز کیا تھا، جب کہ وزیر سیفران سنیٹر طلحہ محمود نے ان کے نام کی تائید کی۔
دوسری جانب نور عالم خان نے پبلک اکانٹس کمیٹی کی صدارت سنبھالنے کے بعد کہا ہے کہ بطور چئیرمین کسی کے ساتھ بد اخلاقی اور زیادتی نہیں کروں گا، آڈیٹر جنرل آفس 5 کروڑ سے زائد کے آڈٹ پیراز پبلک اکانٹس کمیٹی میں لائیں، اور 5 کروڑ سے کم کے آڈٹ پیراز ڈی اے سی میں سیٹل کیے جائیں، میں احتساب اور قانون کی بالادستی پہ یقین رکھتا ہوں، پبلک اکانٹس کمیٹی احتساب کا بھی احتساب کرے گی۔
