اسلام آباد(سب نیوز)اسلام آباد الیکٹرک سپلائی کمپنی (آئیسکو) نے سالانہ سسٹم مینٹیننس پروگرام کے تحت متعلقہ فیڈرز پر لئے جانے والے عارضی بجلی بندش شٹ ڈاؤ ن پروگرام کا شیڈول جاری کردیا ہے۔ ترجمان آئیسکو کے مطابق جی ایس او، کنسٹرکشن اور آپریشن ڈائریکٹوریٹ کے شٹ ڈاؤ ن کا آغاز 15 اکتوبر 2025 سے کردیا جائے گا۔
آئیسکو انتطامیہ اپنے معزز صارفین کو واضح کرتی ہے کہ سالانہ پاور ڈسٹری بیوشن سسٹم مینٹیننس پروگرام بجلی کی بلا تعطل فراہمی خصوصا گرمیوں کے موسم میں یقینی بنانے، سسٹم پر اوور لوڈنگ، ٹرپنگ اور فالٹس پر قابو پانے اور ڈسٹری بیوشن سسٹم کی اپ گریڈیشن، 11 KV فیڈرز اور ٹرانسفارمرز کی لوڈ بیلنسنگ اور مستحکم ڈسٹری بیوشن سسٹم کے لیے ناگزیر ہے۔
آئیسکو انتظامیہ نے ہمیشہ معزز صارفین کو معلومات کی بروقت اور پیشگی فراہمی کو ترجیح دی ہے اور سالانہ سسٹم مینٹیننس کے تحت متعلقہ فیڈرز پر لیے جانے والے عارضی بجلی بندش شٹ ڈاؤن شیڈول کی مکمل معلومات آئیسکو کی آفیشل ویب سائٹ www.iesco.com.pk پر اپ لوڈ کردی گئی ہے اس کے علاوہ معزز صارفین آئیسکو کے سوشل میڈیا اکاؤنٹس فیسبک facebook.com/iescoofficialpk، ٹویٹر (ایکس) x.com/iesco_official انسٹاگرام Instagram.com/iescoofficial وغیرہ کو بھی فالو کر کے بروقت اور پیشگی معلومات حاصل کر سکتے ہیں۔صارفین آئیسکو ہیلپ لائن نمبر118 یا کمپلینٹ اینڈ مانیٹرنگ سیل کے نمبرز 0519252933 اور 0519252934 پر بھی کال کر کے مطلوبہ معلومات حاصل کر سکتے ہیں۔
