بیجنگ ()
بیرون ممالک میں چینی سفارت خانوں اور مشنوں نے حال ہی میں مختلف قسم کی سرگرمیاں منعقد کی ہیں، جن میں چینی اور غیر ملکی مہمانوں کو عوامی جمہوریہ چین کے قیام کی 76ویں سالگرہ منانے اور تعاون اور ترقی پر تبادلہ خیال کرنے کے لیے اکٹھا کیا گیا ہے۔
بنگلہ دیش میں چینی سفارت خانے نے عوامی جمہوریہ چین کے قیام کی 76 ویں سالگرہ اور چین اور بنگلہ دیش کے درمیان سفارتی تعلقات کے قیام کی 50 ویں سالگرہ کے موقع پر ایک شاندار استقبالیہ کا انعقاد کیا۔ مہمانوں نے گلوبل ساؤتھ میں ترقی کو فروغ دینے اور دنیا کی خوشحالی اور استحکام کو فروغ دینے میں چین کا اہم کردار کو سراہا۔
جمہوریہ سیشلز میں چینی سفارت خانے نے قومی دن کے حوالے سے تقریب کا انعقاد کیا جس میں سیشلز کے صدر، نائب صدر، اسپیکر پارلیمنٹ، متعدد ممالک کے سفیروں اور زندگی کے تمام شعبوں سے تعلق رکھنے والے دیگر افراد نے شرکت کی۔
اٹلی میں چینی سفارت خانے اور اقوام متحدہ کے فوڈ اینڈ ایگریکلچر آرگنائزیشن میں چین کے مستقل مشن نے مشترکہ طور پر قومی دن کی تقریب کا انعقاد کیا جس میں اٹلی کے تمام شعبہ ہائے زندگی سے تعلق رکھنے والے افراد اور بین الاقوامی اداروں کے اعلیٰ حکام سمیت 600 سے زائدافراد نے شرکت کی۔
یونان میں چینی سفارت خانے میں منعقدہ قومی دن کی تقریب میں چینی اور یونانی اداکاروں نے شاندار پرفارمنس کا مظاہرہ کیا۔ مہمانوں نے چین کو قومی دن پر مبارکباد دی اور چین اور یونان کے درمیان لازوال دوستی کی خواہش کا اظہار کیا۔
نیوزی لینڈ میں چینی سفارت خانے نے نیوزی لینڈ کے نیشنل میوزیم میں قومی دن کی تقریب کا انعقاد کیا۔ مہمانوں نے چین کی مزید ترقی اور دوطرفہ تعلقات کو مزید مضبوط بنانے کی خواہش کا اظہار کیا۔
حالیہ دنوں میں چلی، قطر، بحرین، یمن، پولینڈ، جاپان، ٹوگو سمیت دیگر ممالک میں چینی سفارت خانوں میں بھی قومی دن کے حوالے سے تقریبات کا انعقاد کیا گیا۔ مہمانوں نے نئے دور میں چین کی کامیابیوں اور ترقی کو سراہا اور مختلف شعبوں میں چین کے ساتھ دوستانہ تعاون کو مزید گہرا کرنے کی امید ظاہر کی۔
