ڈاکٹرمفتی پیر سید محمد نوید الحسن شاہ مشہدی کی ہدایت پر سامان کی ترسیل کا عمل جاری
تقسیمِ سامان کی تقریب جامعہ جلالیہ مظہرالاسلام ڈھلے والی سیالکوٹ میں منعقد ہوئی ۔
جماعت جلالیہ پاکستان کے مرکزی جنرل سیکرٹری شیخ الحدیث ڈاکٹر محمد ظفر اقبال جلالی کے مطابق شیخ الحدیث الحاج ڈاکٹر مفتی پیر سید محمد نوید الحسن شاہ مشہدی سجادہ درگاہ مقدسہ جلالیہ بھکھی شریف کی ہدایت پر جلالیہ ویلفیئر آرگنائزیشن کے زیر اہتمام سیلاب متاثرین کے لیے مختلف شہروں میں مختلف مقامات پر امدادی کیمپ لگائے گئے اور جلالیہ ویلفیئر آرگنائزیشن کے کارکنان اور رضاکاروں نے اس میں بھرپور حصہ لیا ۔رضاکاروں نے امدادی سامان کی تقسیم سے قبل منڈی بہاؤ الدین ،حافظ آباد ،سیالکوٹ اور گجرات کے متاثرہ علاقوں کا وزٹ بھی کیا ۔گزشتہ روز کھاریاں شہر ضلع گجرات سے ایک قافلہ علامہ حافظ لیاقت علی جلالی، علامہ عبد الرحمن جلالی ،قاری اختر نورانی جلالی اور علامہ اویس جلالی ودیگر رضاکاروں کی نگرانی میں متاثرین سیلاب کی مدد کے لیے امدادی سامان لے کر سیالکوٹ کی جانب روانہ ہوا ۔اس موقع پر علاقہ بجوات کےمتاثرین میں راشن، کپڑے،سامان ،بستر ، رضائیاں ،تلائیاں ،چادریں ،دیگر ضروریاتِ زندگی کی اشیاء اور نقدی بڑے شفاف انداز میں تقسیم کی گئی ۔ تقسیمِ سامان کی تقریب جامعہ جلالیہ مظہرالاسلام ڈھلےوالی سیالکوٹ میں صاحبزادہ مفتی محمد طلحہ بدر جلالی کی نگرانی میں منعقد ہوئی۔ اس تقریب میں متاثرین سیلاب کی ایک بڑی تعداد شریک ہوئی۔متاثرین میں خوشی کی لہر دوڑ گئی اور انہوں نے دعائیں دیں اور شیخ الحدیث الحاج ڈاکٹر مفتی پیر سید محمد نوید الحسن شاہ مشہدی کی خدمات کو سراہتے ہوئے کہا کہ مشکل کی اس گھڑی میں شیخ الحدیث الحاج ڈاکٹر مفتی پیر سید محمد نوید الحسن شاہ مشہدی اور جلالیہ ویلفیئر آرگنائزیشن کی خدمات قابلِ تحسین ہیں۔اگلے مرحلہ میں منڈی بہاؤ الدین ،حافظ آباد اوردیگر متاثرین سیلاب کی جانب قافلے روانہ ہوں گے ۔
جلالیہ ویلفیئر آرگنائزیشن کی جانب سے سیلاب متاثرین میں امدادی سامان اور نقدی کی تقسیم
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
