قطری سرزمین پر اسرائیلی حملے پر تحریک انصاف کا ردِ عمل بھی آگیا

اسلام آباد(سب نیوز)قطری سرزمین پر اسرائیلی حملے پر تحریک انصاف کا ردِ عمل بھی آگیا۔
پاکستان تحریک انصاف نے اسرائیل کی جانب سے قطری سرزمین پر حملے کی شدید مذمت کی، اسرائیل کا حملہ بین الاقوامی قوانین اور اقوام متحدہ کے چارٹر کی خلاف ورزی ہے۔پی ٹی آئی نے کہا کہ اسرائیل دہشتگردی پھیلانے والا مافیا ہے، علاقائی امن کے لیے خطرہ ہے، حماس کی قیادت پر حملہ قطری خودمختاری پر حملہ ہے۔
تحریک انصاف نے مسلم ممالک سے متحد ہو کر اسرائیلی جارحیت کا جواب دینے کا مطالبہ کیا۔پی ٹی آئی نے مطالبہ کیا کہ فلسطینی عوام پر مظالم اور نسل کشی کے اسرائیلی جرائم بند کیے جائیں، فلسطینی قیادت پر اسرائیلی حملے کو بزدلانہ کارروائی ہے۔