سندھ میں متوقع شدید بارشوں کے پیش نظر تمام ادارے تیار رہیں، صدر مملکت کی ہدایت

اسلام آباد (سب نیوز)صدر مملکت آصف علی زرداری کا کہنا ہے کہ سندھ میں متوقع شدید بارشوں کے پیش نظر تمام ادارے تیار رہیں۔ عوام کو محفوظ مقامات پر منتقلی کے انتظامات مکمل رکھے جائیں۔
صدر مملکت آصف علی زرداری کا کہنا ہے کہ سندھ میں متوقع شدید بارشوں کے پیش نظر تمام اداروں کو تیار رہیں۔ صوبائی، ضلعی اوربلدیاتی ادارے ممکنہ سیلابی صورتحال سے نمٹنے کیلئے الرٹ رہیں۔آصف علی زرداری نے کہا کہ شہری علاقوں خصوصا نشیبی اور ساحلی مقامات پر پیشگی انتظامات یقینی بنائے جائیں، ضلعی اور تحصیل سطح پر ریلیف مشینری اور عملہ ہمہ وقت مستعد رہے، حب ڈیم اور دیگر آبی ذخائر میں پانی کی سطح پر مسلسل نظر رکھی جائے۔صدر مملکت نے کہا کہ میڈیا اورمقامی انتظامیہ عوامی آگاہی مہم میں متحرک کردار ادا کریں، عوام احتیاطی تدابیر اختیار کریں اور حکومتی ہدایات پر عمل کریں۔