اسلام آباد (سب نیوز)سپریم کورٹ کے میٹنگ منٹس پبلک کرنے کا معاملہ ،جسٹس منصور علی شاہ اور جسٹس منیب اختر نے نیا خط لکھ دیا،دونوں سینئر ججز نے منٹس کے رد میں اپنا موقف بیان کردیا۔
خط میں کہا گیا کہ بطور کمیٹی ممبران ہم نے 26ویں ترمیم پر فل کورٹ کا فیصلہ کیا تھا،کمیٹی فیصلے کی خلاف ورزی میں کیس مقرر نہیں کیا گیا تھا،31اکتوبر 2024 کو بطور کمیٹی ہم نے فل کورٹ کا فیصلہ کیا،کیس نہ لگنے پر چار نومبر کو پھر خط لکھا،ہمارے فیصلے پر چیف جسٹس کے لکھے دونوں نوٹس ہمیں نہیں دیئے گئے۔
خط میں مزید کہا گیا کہ چیف جسٹس نے اپنا نوٹ جوڈیشل کمیشن کی میٹنگ میں پڑھا، جوڈیشل کمیشن اس معاملے پر مجاز فورم نہیں تھا، منٹس میں کہا گیا بینچ تشکیل کا معاملہ آئینی بینچ اور آئینی کمیٹی کو بھیجا گیا،اس وقت آئینی بینچ اور آئینی کمیٹی کا وجود ہی نہیں تھا۔
