پشاور(سب نیوز )خیبرپختونخوا کے وزیراعلی علی امین گنڈاپور کے ترجمان فراز مغل نے کہا ہے کہ وفاقی حکومت صرف سیاسی بیانات تک محدود ہے۔ فراز مغل کا کہنا تھاکہ بونیر کے سیلاب زدہ علاقوں میں 5ہزار سے زائد افراد کو ریسکیو کیا گیا، پیر بابا میں کلاوڈ برسٹ سے تباہی ہوئی ہے 200 افراد اب تک لاپتہ ہیں۔ترجمان کے مطابق وفاقی حکومت صرف سیاسی بیانات تک محدود ہے، وفاقی یا پنجاب حکومت کی جانب سے سیلاب متاثرین کیلئے مدد نہیں ملی۔
ان کا کہنا تھاکہ قومی سانحہ ہے وزیراعظم کو بونیر کے لیے سامان بھجوانا چاہیے تھا، بونیر میں سیلاب زدہ علاقوں میں کے پی حکومت کام کررہی ہے۔ ترجمان نے بتایاکہ خیبرپختونخوا بھر میں درخت لگا رہے ہیں، تمام ڈسٹرکٹ ہیڈکوارٹرز اور نہروں میں ارلی وارننگ سسٹم موجود ہے۔ خیال رہے کہ گزشتہ روز وزیراعظم شہباز شریف نے حالیہ بارشوں اور سیلابی صورت حال کے پیش نظر خیبر پختونخوا کو ترجیحی بنیادوں پر امدادی سامان ٹرکوں کے ذریعے فوری بھیجنے کی ہدایت کی تھی۔
