وزیراعظم کی صدر مملکت سے ملاقات، ملک کی سیاسی، معاشی اور سیکورٹی صورتحال پر تبادلہ خیال

اسلام آباد(سب نیوز)وزیراعظم نے صدر مملکت آصف علی زرداری سے اہم ملاقات کی جس میں ملک کی سیاسی، معاشی اور سیکیورٹی صورت حال پر تبادلہ خیال کیا گیا ہے۔
ایوان صدر کی جانب سے جاری اعلامیے کے مطابق صدرِ مملکت آصف علی زرداری سے وزیرِ اعظم محمد شہباز شریف کی ایوانِ صدر میں ملاقات ہوئی۔ملاقات میں وفاقی وزیر برائے دفاع خواجہ محمد آصف، منصوبہ بندی، ترقی و خصوصی اقدامات احسن اقبال ، قانون و انصاف اعظم نذیر تارڑ، محسن نقوی، اور وزیراعظم کے مشیر برائے سیاسی و عوامی امور رانا ثنا اللہ خان بھی موجود تھے۔
دونوں رہنماوں نے ملاقات میں ملک کی سیاسی، معاشی اور سیکیورٹی، امن و امان کی صورتحال اور دہشت گردی کے خلاف اقدامات پر بھی تبادلہ کیا گیا۔وزیرِ اعظم نے معیشت کی بہتری کے لیے حکومتی اقدامات سے صدرِ مملکت کو آگاہ کیا جس پر انہوں نے اطمینان کا اظہار کیا۔ دونوں رہنماں نے ملکی استحکام، ترقی اور خوشحالی کے لیے مل کر کام کرنے کے عزم کا اعادہ بھی کیا۔