اسلام آباد(آئی پی ایس) الیکشن کمیشن کے سابق سیکرٹری کنور دلشاد نے کہا ہیکہ چیئرمین اور ڈپٹی چیئرمین کا انتخاب اس وقت نہیں ہوسکتا جب تک کے پی میں سینیٹ انتخاب نہیں ہوجاتا۔
نجی ٹی وی سے گفتگو کرتے ہوئے سابق سیکرٹری کنور دلشاد نے کہا کہ الیکشن کمیشن نے آرٹیکل17،218 اور الیکشن ایکٹ کے تحت انتخابات ملتوی کردیے، الیکشن کمیشن نے اس لیے سینیٹ انتخاب ملتوی کیے کیونکہ ہاوس مکمل نہیں ہے۔کنور دلشاد نے کہا کہ 30 نشستوں کو نظرانداز کرکے سینیٹ کا انتخاب کرانا آئین کی خلاف ورزی ہے، جب تک صوبائی اسمبلی میں ان ارکان کا حلف نہیں ہوتا تب تک الیکشن کمیشن سینیٹ کاالیکشن موخر رکھے گا، تین صوبوں میں الیکٹورل کالج تو مکمل ہورہالیکن کے پی میں الیکٹورل کالج کا مسئلہ ہے۔
انہوں نے مزید کہا کہ چیئرمین اور ڈپٹی چیئرمین کا انتخاب اس وقت نہیں ہوسکتا جب تک کے پی میں سینیٹ انتخاب نہیں ہوجاتا، ایوان بالافعال رہیگا، قانون سازی بھی کرسکتاہے، پریذائیڈنگ افسر میں سے کسی کوکچھ مدت کے لیے چیئرمین مقررکیا جاسکتاہے، چیئرمین اورڈپٹی چیئرمین سینیٹ اس وقت تک انتخاب نہیں ہوسکتا جب تک سینیٹ کا الیکشن مکمل نہیں ہوجاتا۔
